Trabao a habri na cuba
Trabao a habri na cuba
Back Cover
Look Inside

Trabao a habri na Cuba (Ebook)

[E-BOOK] Trabou a Habri na Cuba ta un documentacion informativo di e bida, speranza y tragedianan di Arubianonan cu a riesga nan bida ariba lama, pa por bay traha na Cuba na comienso di siglo XX. E obra aki ta un coleccion historico di memoria, potret y cartanan cu ta duna nos un idea di con nan bida tabata prome, durante y despues di a traha ariba e Azucarerosnan di Cuba. E ta un obra emocional, tristo y informativo pa tur cu ta desea di siña mas tocante e Historia di Aruba. Trabao a Habri na Cuba ta toca temanan di relevancia actual, manera Migracion, Racismo, Colorismo y relacionnan entre e Islanan di Caribe y Gobiernonan Colonial.

15,00

Trabao a Habri na Cuba ta un documentacion informativo di e bida, speranza y tragedianan di Arubianonan cu a riesga nan bida ariba lama, pa por bay traha na Cuba. E obra aki ta un coleccion historico di memoria, potret y cartanan cu ta duna bo un idea di con nan bida tabata prome, durante y despues di traha ariba Azucareros na Cuba.

A base di relatonan di descendientenan y di investigacion hasi na Aruba y Cuba sr. Donata ta describi e biahe pa Cuba, e bida y trabao na Cuba y e Arubianonan cu a dicidi di bolbe bek Aruba. Esaki ta e di dos buki di sr. Donata tocante historia di Aruba. E prome publicacion ta titula “Cariñosamente … Recuerdonan di mi wela y otronan”. Tambe disponibel ariba Red Soil Publishing.

Jose Miguel ta dedica e buki aki na tur e Arubianonan di antes, cu durante un epoca dificil cu nos isla a conoce, mester a riesga nan bida crusando lama den barco di bela pa bay traha na Cuba. Nan ta persona cu a mustra un determinacion y curashi hopi grandi pa tuma un decision di bay traha leu for di Aruba. E buki ta dedica tambe na e cantidad desconoci di Arubiano cu no a sobrevivi e biahenan of cu nunca mas hende a bolbe tende algo di nan …Nan ta laga un bashi den e curason di nan sernan keri.

José Miguel S. Donata

WRITER, TEACHER, RESEARCHER

Jose Miguel S. Donata a nace na Aruba y ta docente di Spaño. Su pasion ta historia (oral) y folklore di Aruba y e aspectonan tipico Arubiano di nos lenga Papiamento. Sr. Donata tin un ‘Bachelor of Arts y un Master of Arts den Languages and Cultures of Latin America/Spanish’.

Author

Jose Miguel S. Donata

Publisher

Red Soil Publishing

First Published

Aruba, 2012

Book Format

E-Book

Author

José Miguel S. Donata

Publisher

Red Soil Publishing