Tartamudo - Literatura na papiamento
Tartamudo - Literatura na papiamento
Back Cover
Look Inside

Tartamudo (Ebook)

Tartamudo’ ta contene diesdos storia cortico cu ta mescla diferente nivel di realidad. E storianan ta hiba e lector den un laberinto di duda sin salida cu e intencion di confundi y despista. ‘Tartamundo’ ta conta con e personahenan ta perde control riba nan bida cotidiano y ta bruha e diferente realidadnan cu nan fantasia y deseo. Ta existi duda entre loke ta pasa di berdad y loke ta djis un creacion di nan mente. Mientras cu nan ta desea di por pertenece, cada bes nan ta distanciando nan mes, combirtiendo den sernan solitario cu pasionnan straño y excesivo.

9,99

Add an extra book for 40% OFF

Canto di Lama (Ebook)

Cu un interesante compilacion di poema bou di e titulo ‘Canto di lama’ (2018), e escritor Arubiano Joe Fortin a debuta como poeta. E tema di su poemanan ta entre otro, soledad y amistad, melancolia y deseo. Joe fortin ta uza un metodo di autoreflexion, combina cu recuerdonan y elementonan di naturalesa pa trece cada poema den e obra aki na bida. Su inpiracion ta bini for di susesonan di tur dia como tambe su deseonan di algun dia por bolbe bek su cas; Aruba.

City Store (Ebook)

City store (2013) ta e prome obra literario di e autor Arubiano Joe Fortin y ta contene 11 storia cortico cu ta mescla diferente realidad cu e mundo di fanatasia y (mal) soño. E obra ta contene temanan misterioso y interesante cu sa di captura e atencion di e lector na tur momento. Alabes, Fortin ta inclui tambe topiconan cu ainda ta taboo den nos sociedad; manera homosexualidad y personanan transgenero.

J.L. Fortin a studia Latin American studies y a gradua den e ramo literature actual na Universidad di Leiden. E ta investiga literature di Aruba skirbi na Papiamento a base di teorianan literario y filosofico. Joe Fortin a yega di traha pa e revista Alerta, Vereniging van Letterkundigen y Stichting Simia Literario

Category:

Tartamudo (2019) ta un obra literario di e autor Arubiano Joe Fortin. Tartamudo ta contene diesdos storia cortico cu ta mescla diferente nivel di realidad. E storianan ta hiba e lector den un laberinto di duda sin salida, cu e intencion di confundi y despista.

Tartamudo ta conta con e personahenan ta perde control riba nan bida cotidiano y ta bruha e diferente realidadnan cu nan propio fantasia y deseonan. Ta existi duda entre loke ta pasando di berdad y loke ta djis un creacion di nan mente. Mientras cu nan ta desea di por pertenece, cada bes nan ta distanciando nan mes mas, combirtiendo den sernan solitario cu pasionnan straño y excesivo.

Siguientemente, un pasashi for di e buki Tartamudo (2019):

Cu melancolia pa e tempo perdi y pa e ausencia di recuerdonan inventa, mi a para na e skelet di e entrada un rato prome cu mi a dicidi di drenta e luga aki atrobe. E luga ta un ruina bandona memey di e soledad di stof y e bashi di silencio rondona pa cachonan tristo di sarna y hamber. E muraya ta pela desvelando un caos di diferente colonan y e pasado den fasenan cronologico. Riba suela den un skina scur tapa pa mi propio sombra mi a mira loke tabata parce e wesonan di un cabes di toro y e restonan di un ser humano. E tabata exisiti di berdad, mi a pensa den un instante, mescos cu e fantasma cu a caba di papia cu mi.

Otro bukinan cu Joe a publica ta un compilacion di storia cortico titula ‘City store’ (2013) y un coleccion di poema titula ‘Canto di lama’ (2016), tur dos disponibel como e-book ariba Red Soil Publishing.

Share your thoughts!

Let us know what you think...

What others are saying

There are no contributions yet.

×

Register

Continue as a Guest

Don't have an account? Sign Up